കോതമംഗലം: പൂയംകുട്ടി പുഴയിൽ കുട്ടിയാനയുടെ ജഡം കണ്ടെത്തി. പീച്ചക്കര കടവിനടുത്ത് ചൊവ്വാഴ്ച പുലർച്ചയാണ് ഒരാഴ്ച പഴക്കമുള്ള ജഡം കണ്ടത്. വിവരമറിഞ്ഞ് കുട്ടമ്പുഴ ഫോറസ്റ്റ് റേഞ്ച് ഉദ്യോഗസ്ഥർ സ്ഥലത്തെത്തി. ആറുമാസം പ്രായമുള്ള പിടിയാനക്കുട്ടിയുടേതാണ് ജഡം. പുഴ മുറിച്ചുകടക്കുന്നതിനിെട ഒഴുക്കിൽപെട്ടതാകാമെന്ന് കരുതുന്നു. ഫോറസ്റ്റ് വെറ്ററിനറി സർജൻ ഡോ. ഫിജിയുടെ നേതൃത്വത്തിൽ കുട്ടമ്പുഴ റേഞ്ച് ഒാഫിസർ എസ്. രാജൻ, എസ്.എഫ്.ഒ എം. പുഷ്പകുമാർ, ബീറ്റ് ഫോറസ്റ്റ് ഓഫിസർമാരായ എൻ. സുനിൽ കുമാർ, അൻവർ സാദിഖ് എന്നിവരടങ്ങുന്ന സംഘം പോസ്റ്റ്മോർട്ടം നടത്തി സംസ്കരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.