കായംകുളം: പി.ഡി.പി നേതാവിനെ ഗുണ്ട സംഘാംഗം തലക്ക് അടിച്ച് പരിക്കേൽപിച്ചെന്ന് പരാതി. പി.ഡി.പി കൃഷ്ണപുരം പഞ്ചായത്ത് കമ്മിറ്റി പ്രസിഡൻറ് പുള്ളിക്കണക്ക് തെക്കേ തറയിൽ വൈ. ഷിബുവിനാണ് (40) അടിയേറ്റത്. തിങ്കളാഴ്ച രാവിലെ 10.30ഒാടെ കുറ്റിത്തെരുവ് ജങ്ഷന് വടക്ക് ഇടയൊടിക്കാവ് ക്ഷേത്രത്തിന് സമീപമായിരുന്നു സംഭവം. സാരമായി പരിക്കേറ്റ ഇദ്ദേഹത്തെ കായംകുളം ഗവ. ആശുപത്രിയിൽ പ്രവേശിപ്പിച്ചു. സുഹൃത്തുമായി സംസാരിച്ചുനിൽക്കെ വണ്ടിയിലെത്തി ആക്രമിക്കുകയായിരുന്നെന്ന് ഷിബു പറഞ്ഞു. നിരവധി കേസുകളിൽ പ്രതിയായ കുറ്റിത്തെരുവ് സ്വദേശി അൻവറാണ് ആക്രമണം നടത്തിയതെന്ന് കായംകുളം പൊലീസിന് മൊഴി നൽകി. പ്രതിയെ ഉടൻ അറസ്റ്റ് ചെയ്യണമെന്ന് പി.ഡി.പി മണ്ഡലം കമ്മിറ്റി ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.