മൂവാറ്റുപുഴ: മണ്ണത്തൂര് നവോളിമറ്റം ചെറ്റേപീടിക ജങ്ഷനില് 'ഡ്രൈഡേ' ദിനത്തിൽ അനധികൃതമായി മദ്യവിൽപന നടത്തിയിരുന്ന മധ്യവയസ്കൻ പിടിയിൽ. അഞ്ച് ലിറ്റര് മദ്യവുമായാണ് എക്സൈസ് സംഘം ഇയാളെ അറസ്റ്റ് ചെയ്തത്. നാവോളി മറ്റംചാലാമറ്റത്തിൽ തങ്കച്ചനാണ് (53) പിടിയിലായത്. ശ്രീനാരായണഗുരു ജയന്തി ദിവസം 'ഡ്രൈഡേ' ദിനമായി പ്രഖ്യാപിച്ചത് മുന്നിൽക്കണ്ടാണ് ഇയാൾ മദ്യം വാങ്ങി ശേഖരിച്ച് മണ്ണത്തൂര് നവോളിമറ്റം -ചെറ്റേപീടിക ഭാഗത്ത് വിൽപനക്കെത്തിയത്. അനധികൃതമായി മദ്യവിൽപന നടത്തുന്നുവെന്ന രഹസ്യവിവരത്തിെൻറ അടിസ്ഥാനത്തില് നടത്തിയ റെയ്ഡിലാണ് പിടിയിലാകുന്നത്. ആവശ്യക്കാർക്ക് അരലിറ്റർ കുപ്പിക്ക് 450- രൂപക്കാണ് മദ്യം നൽകിയിരുന്നത്. റെയ്ഡില് പ്രിവൻറിവ് ഓഫിസര് ഷാജു, സിവില് എക്സൈസ് ഓഫിസർമാരായ ബിനു ജേക്കബ്, എം.എ.യൂസുഫലി, കൃഷ്ണകുമാര്, കെ.ജി.അജീഷ്, കെ.കെ.രാജേഷ്, എം.വി. ബിജു, ഡ്രൈവര് റെജി എന്നിവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.