മൂവാറ്റുപുഴ: നഗരസഭ കുര്യൻമലയിൽ നിർമിച്ച പകൽവീട് നവംബർ ആദ്യം തുറക്കും. കുടുംബാംഗങ്ങൾ തൊഴിലിന് പോകുമ്പോൾ ഒറ്റപ്പെട്ട് കഴിയേണ്ടിവരുന്ന വയോധികരെ സഹായിക്കുന്നതിനായാണ് പകൽവീട് ഒരുക്കിയത്. മരുന്നും - ഭക്ഷണവും വിശ്രമത്തിന് സൗകര്യവുമാണ് ഒരുക്കിയിരിക്കുന്നതെന്ന് നഗരസഭ ചെയർപേഴ്സൺ ഉഷ ശശിധരനും ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ എം.എ. സഹീറും അറിയിച്ചു. രാവിലെ എട്ടുമുതൽ വൈകുന്നേരം അഞ്ചുവരെയാണ് പ്രവർത്തന സമയം. ആദ്യഘട്ടത്തിൽ 10 പേർക്കാണ് പ്രവേശനം. സേവനം ആവശ്യമുള്ളവർ നവംബർ മൂന്നി-ന് നഗരസഭ ഓഫിസിൽ അറിയിക്കണം. വൈദ്യുതി മുടങ്ങും മൂവാറ്റുപുഴ: 11 കെ.വി ലൈനിൽ അറ്റകുറ്റപ്പണി നടക്കുന്നതിനാൽ പാറത്തിട്ട, മണിയംകല്ല്, മാറാടി, കായനാട്, മണ്ണത്തൂർ കവല എന്നിവിടങ്ങളിൽ ശനിയാഴ്ച രാവിലെ എട്ടുമുതൽ വൈകീട്ട് അഞ്ചുവരെ വൈദ്യുതി മുടങ്ങും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.