മൂവാറ്റുപുഴ: വാഹനാപകടങ്ങള് നിത്യസംഭവമായി മാറിയതോടെ മൂവാറ്റുപുഴയില് മോട്ടോര് വാഹനവകുപ്പ് പരിശോധന നടത്തി. വ്യാഴാഴ്ച എം.സി റോഡില് നടത്തിയ വാഹന പരിശോധനയില് അനധികൃതമായി പാര്ക്ക് ചെയ്ത എട്ട് വാഹനങ്ങള്ക്കെതിരെയും ലൈസന്സില്ലാതെ വാഹനമോടിച്ച പ്രായപൂര്ത്തിയാകാത്തവരുൾപ്പെടെ ആറ് പേര്ക്കെതിരെയും വേഗപ്പൂട്ട് വിച്ഛേദിച്ച മൂന്ന് ടിപ്പർ ലോറികള്ക്കെതിരെയും അമിത ശബ്ദം പുറപ്പെടുവിപ്പിക്കുന്ന ഏഴ് ബൈക്ക് യാത്രക്കാര്ക്കെതിരെയുമടക്കം 60 കേസുകള് രജിസ്റ്റര് ചെയ്തു. ഇവരില്നിന്ന് പിഴയിനത്തില് 66,000 രൂപയും ഈടാക്കി. മൂവാറ്റുപുഴ ആർ.ടി.ഒയുടെ നിർദേശത്തെ തുടർന്ന് മൊബൈല് എന്ഫോഴ്സ്മെൻറ് സ്ക്വാഡ് മോട്ടോര് വെഹിക്കള് ഇന്സ്പെക്ടര് പി.എ. സമീര്, എ.എം.വി.ഐമാരായ ബെന്നി വര്ഗീസ്, കെ.കെ. എല്ദോസ് എന്നിവരുടെ നേതൃത്വത്തിലായിരുന്നു പരിശോധന. എം.സി റോഡില് അനധികൃത പാര്ക്കിങ്ങിനെതിരെ കര്ശന നടപടി സ്വീകരിക്കുമെന്നും വരുംദിവസങ്ങളില് വാഹന പരിശോധന കര്ശനമാക്കുമെന്നും ആര്.ടി.ഒ എ.കെ. ശശികുമാര് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.