കൊച്ചി: എ.ടി.എം ഇടപാടുകള്ക്ക് സര്വിസ് ചാർജ് ഈടാക്കാനുള്ള നടപടി പിന്വലിക്കണമെന്നാവശ്യപ്പെട്ട് യൂത്ത് കോണ്ഗ്രസ് പ്രവര്ത്തകര് മേനക എസ്.ബി.ഐ ബ്രാഞ്ചിെൻറ ഷട്ടർ താഴ്ത്തി പൂട്ടി. ചങ്ങലയും താഴുമായി പ്രതിഷേധ മാർച്ചായി എത്തിയ പ്രവർത്തകർ പൊലീസ് വലയം ഭേദിച്ച് ഷട്ടര് പൂട്ടുകയായിരുന്നു. ഇതോടെ പൊലീസും പ്രവര്ത്തകരും തമ്മില് സംഘർഷമായി. തുടര്ന്ന് പ്രവര്ത്തകര് ബാങ്കിന് മുന്നില് കുത്തിയിരുന്നു. ഡി.സി.സി വൈസ് പ്രസിഡൻറ് മുഹമ്മദ് ഷിയാദ് ധർണ ഉദ്ഘാടനം ചെയ്തു. ഡി.സി.സി സെക്രട്ടറി തമ്പി സുബ്രഹ്മണ്യം, യൂത്ത് കോണ്ഗ്രസ് പാര്ലമെൻറ് വൈസ് പ്രസിഡൻറ് ദിലീപ് കുഞ്ഞുകുട്ടി, കെ.എസ്.യു മുന് സംസ്ഥാന സെക്രട്ടറി പി.വൈ. ഷാജഹാന്, സംസ്ഥാന ജനറല് സെക്രട്ടറി എ.എ. അജ്മല്, യൂത്ത് കോണ്ഗ്രസ് ബ്ലോക്ക് പ്രസിഡൻറ് ടിബിന് ദേവസി, പി.എച്ച്. അനീഷ് എന്നിവരെ പൊലീസ് അറസ്റ്റ് ചെയ്ത് നീക്കി. തുടർന്ന് ജാമ്യത്തില് വിട്ടയച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.