ആലപ്പുഴ: ഖാദി ബോർഡ് എംപ്ലോയീസ് അസോസിയേഷൻ (സി.ഐ.ടി.യു) 41ാമത് സംസ്ഥാന സമ്മേളനം ഞായർ, തിങ്കൾ ദിവസങ്ങളിൽ ആലപ്പുഴ റെയ്ബാൻ ഓഡിറ്റോറിയത്തിൽ നടക്കുമെന്ന് സംഘാടക സമിതി ഭാരവാഹികൾ വാർത്തസമ്മേളനത്തിൽ അറിയിച്ചു. ഞായറാഴ്ച രാവിലെ 10ന് മന്ത്രി ജി. സുധാകരൻ ഉദ്ഘാടനം ചെയ്യും. സി.ഐ.ടി.യു സംസ്ഥാന പ്രസിഡൻറ് ആനത്തലവട്ടം ആനന്ദൻ അധ്യക്ഷത വഹിക്കും. വൈകുന്നേരം 5.30ന് സാംസ്കാരിക സമ്മേളനം കെ.ജെ. തോമസ് ഉദ്ഘാടനം ചെയ്യും. തിങ്കളാഴ്ച 11ന് 'പരമ്പരാഗത വ്യവസായങ്ങളും ഖാദിയുടെ പുതിയ പ്രതീക്ഷകളും' സെമിനാർ മന്ത്രി എ.സി. മൊയ്തീൻ ഉദ്ഘാടനം ചെയ്യും. സ്വാഗതസംഘം ചെയർമാൻ ആർ. നാസർ, ജനറൽ കൺവീനർ വി. സഞ്ജീവൻ, വർക്കിങ് പ്രസിഡൻറ് കെ. മഹാദേവൻ, ജനറൽ സെക്രട്ടറി ടി. ബൈജു, ട്രഷറർ സന്തോഷ് എന്നിവർ വാർത്തസമ്മേളനത്തിൽ പരിപാടി വിശദീകരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.