പള്ളുരുത്തി: കർക്കടകവാവു ബലിക്ക് ക്ഷേത്രങ്ങൾ ഒരുങ്ങി. പെരുമ്പടപ്പ് ശങ്കര നാരായണ ക്ഷേത്രത്തിൽ ഞായറാഴ്ച പുലർച്ചെ അഞ്ചിന് തുടങ്ങുന്ന ചടങ്ങുകൾക്ക് മേൽശാന്തി സന്തോഷ് കാർമികത്വം വഹിക്കും. ഒരേ സമയം 300 പേർക്ക് തർപ്പണം നടത്താനുള്ള സൗകര്യം ക്ഷേത്രാങ്കണത്തിൽ ഒരുക്കിയിട്ടുണ്ടെന്ന് സെക്രട്ടറി പി.കെ. ബാലസുബ്രഹ്മണ്യം പറഞ്ഞു. പള്ളുരുത്തി ശ്രീഭവാനീശ്വര ക്ഷേത്രത്തിൽ തന്ത്രി പറവൂർ രാകേശ്, മേൽശാന്തി പി.കെ. മധു എന്നിവർ കാർമികത്വം വഹിക്കും. പുലർച്ചെ അഞ്ചിന് ആരംഭിക്കുന്ന ചടങ്ങുകൾ 11 വരെ നീളുമെന്ന് ഭാരവാഹികൾ അറിയിച്ചു. കുമ്പളങ്ങി ഇല്ലിക്കൽ ക്ഷേത്രത്തിൽ കണ്ണൻ ശാന്തി നേതൃത്വം നൽകും. ഫോർട്ട്കൊച്ചി ശ്രീകാർത്തികേയ ക്ഷേത്രത്തിൽ ശശികുമാർ ശാന്തിയും കാർമികത്വം വഹിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.