ഹരിപ്പാട്: വീട്ടിൽ ചാരായം വാറ്റിയെന്ന കേസിൽ ഒരാൾ എക്സൈസ് അറസ്റ്റിൽ. പള്ളിപ്പാട് തെക്കും മുറിയിൽ കോയിത്തറ വീട്ടിൽ സന്തോഷ് കുമാറാണ് (38) പിടിയിലായത്. ഹരിപ്പാട്, പള്ളിപ്പാട് ഭാഗങ്ങളിൽ നടത്തിയ പരിശോധനയിലാണ് ഇയാൾ പിടിയിലായത്. 25 ലിറ്റർ ചാരായവും 250 ലിറ്റർ കോടയും വാറ്റുപകരണങ്ങളും കണ്ടെടുത്തു. എക്സൈസ് സർക്കിൾ ഇൻസ്പെക്ടർ കെ.ആർ. ബാബുവിന് ലഭിച്ച രഹസ്യവിവരത്തെ തുടർന്നാണ് പരിശോധന നടത്തിയത്. സംഭവത്തിൽ പള്ളിപ്പാട് തെക്കുമുറിയിൽ കാവിൽ തെക്കതിൽ സുൾഫിത്തിനെ (24) രണ്ടാം പ്രതിയാക്കി കേസെടുത്തിട്ടുണ്ട്. പ്രിവൻറീവ് ഓഫിസർ എൻ. കിഷോർകുമാർ, എ. കുഞ്ഞുമോൻ, സിവിൽ എക്സൈസ് ഓഫിസർമാരായ എം. റെനി, ടി. ജയേഷ് എന്നിവർ റെയ്ഡിൽ പങ്കെടുത്തു. സന്തോഷ്കുമാറിനെ ഹരിപ്പാട് ജുഡീഷ്യൽ മജിസ്ട്രേറ്റ് കോടതി റിമാൻഡ് ചെയ്തു. നിരോധിത പുകയില ഉൽപന്നങ്ങൾ പിടികൂടി തൃക്കുന്നപ്പുഴ: കടയിൽ വിൽപനക്കായി വീട്ടിൽ സൂക്ഷിച്ചിരുന്ന നിരോധിത പുകയില ഉൽപന്നങ്ങൾ പിടികൂടി. ആറാട്ടുപുഴ തറയിൽകടവ് കുന്നത്ത് അംബികയുടെ (54) വീട്ടിൽനിന്നാണ് തൃക്കുന്നപ്പുഴ പൊലീസ് പിടികൂടിയത്. വീടിന് സമീപത്ത് പടുത ഇട്ട് മൂടിയ നിലയിലും മുറിക്കുള്ളിലുമായി 25 പാക്കറ്റ് ആണ് സൂക്ഷിച്ചിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.