തിരുവനന്തപുരം: വിദേശത്തുനിന്ന് കടത്താന് ശ്രമിച്ച രണ്ടുകിലോ സ്വർണവുമായി സഹോദരങ്ങള് പിടിയിലായി. ആലപ്പുഴ സ്വദേശികളായ സമീര്, മുഹമ്മദ് സാദിഖ് എന്നിവരെയാണ് തിരുവനന്തപുരം രാജ്യാന്തര വിമാനത്താവളത്തില് എയര് കസ്റ്റംസ് പിടികൂടിയത്. 116.6 ഗ്രാം വീതം തൂക്കംവരുന്ന 17 സ്വർണ ബിസ്കറ്റുകളാക്കി ഷൂവിനുള്ളില് ഒളിപ്പിച്ചാണ് ഇവര് സ്വർണം കടത്താന് ശ്രമിച്ചത്. കട്ടിയുള്ള േസാക്സ് ധരിച്ച് അതിനടിയിലായി ഇരുകാലിലുമായി ബിസ്കറ്റുകൾ ഒളിപ്പിക്കുകയായിരുന്നു. ശനിയാഴ്ച പുലര്ച്ചെ 4.30ന് മസ്കറ്റില്നിന്ന് എത്തിയ 9w.529 നമ്പര് ജെറ്റ് എയര്വെയ്സ് വിമാനത്തിലെ യാത്രക്കാരായ ഇവര് എമിേഗ്രഷന് പരിശോധന കഴിഞ്ഞ് കസ്റ്റംസ് ഹാളിലേക്ക് എത്തിയപ്പോള് സംശയം തോന്നിയതിനെ തുടര്ന്ന് എയര് കസ്റ്റംസ് കൂടുതല് പരിശോധനക്ക് വിധേയമാക്കുകയായിരുന്നു. പിടികൂടിയ സ്വർണത്തിന് 55 ലക്ഷത്തോളം രൂപ വിലവരും. കാപ്ഷന്: വിമാനത്താവളത്തില് എയര് കസ്റ്റംസ് പിടികൂടിയ സ്വർണം
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.