കോ​ട്ട​പ്പു​റ​ത്ത് വീ​ട് കു​ത്തി​ത്തു​റ​ന്ന് മോ​ഷ​ണം

ആലങ്ങാട്: കോട്ടപ്പുറം-മാമ്പ്ര റോഡിൽ വീടിെൻറ വാതിൽ കുത്തിത്തുറന്ന് മോഷണം. ശനിയാഴ്ച രാത്രിയാണ് സംഭവം. 13,000 രൂപയും രണ്ട് മോതിരങ്ങളും എ.ടി.എം കാർഡും നഷ്ടപ്പെട്ടിട്ടുണ്ട്. മാമ്പ്ര പള്ളത്ത് ഗോപിയുടെ ഉടമസ്ഥതയിലുള്ള വീട്ടിലാണ് മോഷണം നടന്നത്. വാടകക്കുതാമസിക്കുന്ന കരിപ്പക്കാട്ടിൽ രാജനും കുടുംബവും ശനിയാഴ്ച രാത്രി വീട്ടിലുണ്ടായിരുന്നില്ല. ആശുപത്രിയിലായിരുന്ന കുടുംബം ശനിയാഴ്ച ഉച്ചക്കെത്തി വീട് വൃത്തിയാക്കിയശേഷം രാത്രി തറവാട്ടുവീട്ടിലായിരുന്നു. ഞായറാഴ്ച രാവിലെ എത്തിയപ്പോഴാണ് മോഷണവിവരം അറിയുന്നത്. നഷ്്ടപ്പെട്ട എസ്.ബി.ഐ എ.ടി.എം കാർഡുപയോഗിച്ച് മോഷ്ടാവ് ഫെഡറൽ ബാങ്ക് എ.ടി.എമ്മിൽനിന്ന് 5000 രൂപയും പിൻവലിച്ചു. പിൻ നമ്പർ കാർഡിനൊപ്പം സൂക്ഷിച്ചതാണ് വിനയായത്. ആലങ്ങാട് പൊലീസ് സംഘം സ്ഥലത്തെത്തി അന്വേഷണം നടത്തി. ആലുവയിൽനിന്നുള്ള വിരലടയാള വിദഗ്‌ധരും സ്ഥലത്തെത്തിയിരുന്നു.