പെരുമ്പാവൂര്‍: കൂവപ്പടി പഞ്ചായത്ത് 16ാം വാര്‍ഡ് ഐമുറി പടിക്കലപ്പാറയിലെ അങ്കണവാടി പ്രവര്‍ത്തിക്കുന്നത് 15 വര്‍ഷത്തോളമായി വാടകക്കെട്ടിടത്തില്‍. 30 കുട്ടികള്‍ പഠിക്കുന്ന ഇവിടെ വൈദ്യുതിയും വെള്ളവും ഇല്ല. ഇതുമൂലം രക്ഷിതാക്കള്‍ കുട്ടികളെ പറഞ്ഞയക്കാന്‍ മടിക്കുകയാണ്. വൈദ്യുതി ഇല്ലാത്തതിനാല്‍ വേനലില്‍ കുട്ടികള്‍ വിയര്‍ത്തൊലിക്കുകയാണ്. ഉള്ളിലെ ചൂട് കാരണം രാവിലെ 11 മുതല്‍ വൈകുന്നേരം വരെ കുട്ടികളെ കെട്ടിടത്തിനുപുറത്ത് ഇരുത്തേണ്ട അവസ്ഥയാണ്. 1500 രൂപയാണ് കെട്ടിടവാടക. ഇതില്‍ 200 രൂപ പഞ്ചായത്തും 500 രൂപ എ.ഡി.എസും നല്‍കും. ബാക്കി തുക കുട്ടികളില്‍നിന്ന് പിരിക്കുകയാണ് ചെയ്യുന്നത്. പടിക്കലപ്പാറ, റാങ്ങിയത്തുചിറ എന്നിവിടങ്ങളില്‍ അനുയോജ്യമായ സര്‍ക്കാര്‍ പുറമ്പോക്കുഭൂമിയുണ്ട്. ഇതില്‍ കെട്ടിടം നിര്‍മിച്ച് അങ്കണവാടി മാറ്റണമെന്നാണ് നാട്ടുകാരുടെയും രക്ഷിതാക്കളുടെയും ആവശ്യം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.