കൊച്ചി: സോളിഡാരിറ്റി, തനിമ എറണാകുളം ജില്ലാ കമ്മിറ്റികള് ഈ മാസം 27ന് വൈകുന്നേരം നാലിന് എറണാകുളം ടൗണ്ഹാളില് പാട്ടുരാവ് സംഗീതപരിപാടി സംഘടിപ്പിക്കും. ഇതിന്െറ ഭാഗമായി പുറത്തിറക്കിയ പെരുന്നാള് സപ്ളിമെന്റ് ജമാഅത്തെ ഇസ്ലാമി ജില്ലാ പ്രസിഡന്റ് എം.കെ. അബൂബക്കര് ഫാറൂഖി പ്രകാശനം ചെയ്തു. സോളിഡാരിറ്റി ജില്ലാ പ്രസിഡന്റ് ജമാല് പാനായിക്കുളം, തനിമ ജില്ലാ പ്രസിഡന്റ് കെ.എച്ച്. സദഖത്ത്, സോളിഡാരിറ്റി ജില്ലാ സമിതി അംഗങ്ങളായ ഷഫീഖ് കെ.എസ്, ഹൈദര് മഞ്ഞപ്പെട്ടി, ഷാജഹാന് എം.എം തുടങ്ങിയവര് പങ്കെടുത്തു. പാട്ടുരാവില് സമീര് ബിന്സിയും ഇമാം മജ്ബൂറും ചേര്ന്നൊരുക്കുന്ന ഖവാലി ഗസല്, ജില്ലയിലെ പ്രതിഭകള് അണിനിരക്കുന്ന അറബിക് നൃത്തം, ഒപ്പന, ഇസ്ലാമിക ഗാനങ്ങള് എന്നിവ അരങ്ങേറും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.