വൈപ്പിന്: ഫോര്ട്ട്കൊച്ചി-വൈപ്പിന് റൂട്ടില് സര്വിസ് നടത്തുന്ന കടത്തുബോട്ടായ പാപ്പി വ്യാഴാഴ്ച ഉച്ച മുതല് പണിമുടക്കി. ഷാഫ്റ്റ് തകരാറിലായതിനെ തുടര്ന്നാണ് സര്വിസ് നിര്ത്തിയത്. ആലപ്പുഴയില് ബാര്ജായിരുന്ന പാപ്പി രൂപാന്തരപ്പെടുത്തിയാണ് യാത്രാബോട്ടായി രംഗപ്രവേശം ചെയ്തത്. സര്വിസ് ആരംഭം മുതല് പല സാങ്കേതിക കാരണത്താല് പണിമുടക്ക് പതിവാണ്. ഒരു മാസം തുടര്ച്ചയായി സര്വിസ് പൂര്ത്തീകരിച്ചിട്ടില്ല. പാപ്പിക്ക് പകരക്കാരനായി മറ്റൊന്നില്ല. അതിനാല് പാപ്പിയുടെ പണിമുടക്ക് വേളകളില് വാഹന ബാഹുല്യമുള്ള ജങ്കാറില് കയറിപ്പറ്റിയാണ് യാത്രക്കാര് ദുരിതക്കയം താണ്ടുന്നത്. 11 പേരുടെ ജീവനെടുത്ത ആഗസ്റ്റ് 26ലെ ദുരന്തത്തെ തുടര്ന്ന് കൊച്ചി നഗരസഭ നേരിട്ടാണ് ഇരുസര്വീസും നടത്തിവരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.