പേരാവൂര്: ഫേസ്ബുക് കമന്റില് കന്യാ മറിയത്തിന്െറ ചിത്രം ഉപയോഗിച്ചതിലൂടെ ക്രൈസ്തവ വിശ്വാസത്തെ വ്രണപ്പെടുത്തിയതില് താന് ഖേദം പ്രകടിപ്പിക്കുന്നതായി പേരാവൂര് ബങ്കളക്കുന്ന് സ്വദേശി അരുണ് മാധ്യമത്തോട് പറഞ്ഞു. യൂത്ത് കോണ്ഗ്രസിന്െറ ഫേസ്ബുക് പേജില് ഒരു സ്റ്റാറ്റസിനു കമന്റായാണ് താന് ഈ ഫോട്ടോ ഇട്ടത്. ഉമ്മന് ചാണ്ടിയെ കളിയാക്കുന്ന തരത്തില് ഒരു കമന്റ് അതിനിടുകയെന്നല്ലാതെ ബോധപൂര്വം ക്രിസ്തു മതത്തെ അവഹേളിക്കാനോ മതവികാരം വ്രണപ്പെടുത്താനോ ഉദ്ദേശിച്ചിരുന്നില്ളെന്നും അരുണ് പറയുന്നു. എന്നാല്, കന്യാ മറിയത്തിന്െറ ഫോട്ടോ മോര്ഫ് ചെയ്ത് സരിതയുടെ മുഖം ചേര്ത്തത് താനല്ല. വാട്സ് ആപില് നിന്നോ മറ്റോ തനിക്കിത് ലഭിച്ചതാണ്. ഫോട്ടോ കമന്റായി ഇട്ടപ്പോള് യൂത്ത് കോണ്ഗ്രസിന്െറ ഫേസ്ബുക് കൈകാര്യം ചെയ്തിരുന്ന ആള് തന്നോട് ഈ ഫോട്ടോ ശരിയല്ളെന്നും മതവികാരത്തെ വ്രണപ്പെടുത്തുമെന്നും പറഞ്ഞപ്പോള് തന്നെ ക്ഷമ ചോദിച്ച് കമന്റ് പിന്വലിച്ചിരുന്നു. ഇതിന് യൂത്ത് കോണ്ഗ്രസിന്െറ ഫേസ്ബുക്കില് നിന്നും തനിക്ക് അഭിനന്ദന സന്ദേശവും വന്നിരുന്നു. പിന്നീട് ഫോട്ടോ രാഷ്്രടീയമായി ഉപയോഗിക്കുകയായിരുന്നെന്നും അരുണ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.