കൊച്ചി: കുത്തിപ്പരിക്കേല്പിച്ച് കവര്ച്ച നടത്താന് ശ്രമിച്ച കേസില് മൂന്നുപേര് പിടിയില്. എറണാകുളം കെ.എസ്.ആര്.ടി.സി ബസ്സ്റ്റാന്ഡിന് സമീപം വിവേകാനന്ദ റോഡില് പാലക്കാട് സ്വദേശി വിശ്വനാഥനെ കുത്തിപ്പരിക്കേല്പിച്ച് ഫോണും പണവും കവരാന് ശ്രമിച്ച കേസിലെ പ്രതികളായ ഉദയ കോളനിയില് താമസിക്കുന്ന അനീഷ്, കരിത്തല കോളനിയില് താമസിക്കുന്ന ദേവകുമാര്, അരൂര് നിവാസി ആദില് എന്നിവരാണ് പിടിയിലായത്. ബസ്സ്റ്റാന്ഡില് രാത്രി വന്നിറങ്ങുന്ന യാത്രക്കാരെ പിന്തുടര്ന്ന് കവര്ച്ച നടത്തുകയാണ് ഇവരുടെ രീതിയെന്ന് പൊലീസ് പറഞ്ഞു. ഇവര് മയക്കുമരുന്ന് കേസിലും ഉള്പ്പെട്ടവരാണ്. ഡെപ്യൂട്ടി കമീഷണര് ഹരിശങ്കറിന്െറ നേതൃത്വത്തില് എറണാകുളം അസി. കമീഷണര് സുരേഷ്കുമാര്, സെന്ട്രല് സി.ഐ രാജ്കുമാര്, എസ്.ഐ വിമല്, എ.എസ്.ഐ ജേക്കബ് മാണി, മോഹനന്, സി.പി.ഒമാരായ വിനോദ് കരീം, രാജേഷ്, സുരേഷ് എന്നിവരാണ് പ്രതികളെ പിടികൂടിയത്. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.