മടിക്കേരി: നഗരമധ്യത്തിലെ സ്വര്ണാഭരണ കടയില് മോഷണം. മഹാദേവ പേട്ടയിലെ തുളസി ജ്വല്ലറിയില് ശനിയാഴ്ച രാത്രിയാണ് കടയുടെ ഷട്ടര് പൊളിച്ച് 900 ഗ്രാം സ്വര്ണവും 1.25 ലക്ഷം രൂപയും മൂന്നു കിലോ വെള്ളിയും മോഷ്ടിച്ചത്. ഞായറാഴ്ച രാവിലെ ജീവനക്കാര് കട തുറക്കാന് എത്തിയപ്പോഴാണ് മോഷണം നടന്നത് അറിയുന്നത്. കടയുടെ ലോക്കറില് ആയിരുന്നു പണമുണ്ടായിരുന്നത്. 3000 രൂപയുടെ മൂന്ന് കെട്ടുകള് മേശപ്പുറത്ത് ഉപേക്ഷിച്ച നിലയില് കണ്ടത്തെി. മോഷ്ടാക്കള്ക്കുവേണ്ടി മടിക്കേരി പൊലീസ് തിരച്ചില് ആരംഭിച്ചു. മടിക്കേരിയിലെ സതീശ് എന്നയാളുടേതാണ് സ്വര്ണക്കട. രണ്ടു ദിവസം മുമ്പ് ഗോണികുപ്പയില് നടന്ന കുരുമുളക് മോഷണത്തിനുപിന്നാലെയാണ് സ്വര്ണാഭരണ മോഷണം നടന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.