തൃക്കരിപ്പൂര്: നടക്കാവ് പോട്ടച്ചാലില് സ്വകാര്യ വ്യക്തികള് പഞ്ചായത്ത് ഭൂമി കൈയേറി റോഡ് നിര്മിക്കുന്നു. വലിയകൊവ്വല് മൈതാനിക്ക് പടിഞ്ഞാറ് ഭാഗത്ത് നടക്കാവ് ഖാദി നൂല്നൂല്പ് കേന്ദ്രത്തിന് സമീപമാണ് സര്ക്കാര് ഭൂമി കൈയേറിയത്. രണ്ട് വര്ഷം മുമ്പ് പഞ്ചായത്ത് ഇടപെട്ട് നിര്മാണം തടഞ്ഞ അതേ സ്ഥലത്താണ് ഇപ്പോള് വീണ്ടും റോഡ് നിര്മിക്കുന്നത്. ഏതാണ്ട് നൂറ് മീറ്ററോളം ഭൂമി ചരല് മണ്ണിട്ട് ഉയര്ത്തിയിട്ടുണ്ട്. പുതിയ ഭരണ സമിതി നിലവില് വന്ന ശേഷമാണ് പണിയാരംഭിച്ചത്. നടക്കാവ് വലിയകൊവ്വല് മൈതാനിയില് മഴവെള്ളം ഒഴുകിപ്പോകുന്ന വഴിയിലൂടെയാണ് നിര്മാണം. ഒറ്റ വിളയെടുക്കുന്ന പോട്ടച്ചാല് വയലിലേക്ക് പടന്ന പഞ്ചായത്ത് റോഡ് നിര്മിക്കുന്നുണ്ട്. ഇതിനു പുറമെയാണ് ചിലര് സ്വന്തം താല്പര്യത്തിന് വേണ്ടി സര്ക്കാര് ഭൂമിയിലൂടെ റോഡ് നിര്മിക്കുന്നത്. റോഡിനോട് ചേര്ന്ന കുറ്റിക്കാടിന്െറ മറയിലാണ് പുതിയ റോഡ് ഒരുക്കുന്നത്. പ്രദേശത്തെ വയല് നികത്താന് വേണ്ടിയാണ് റോഡ് നിര്മിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.