കുമ്പള: കുമ്പള കൊളങ്കര കോംപ്ളക്സിലെ മൊബൈല് കട കുത്തിത്തുറന്ന് ഫോണുകളും കാമറയും ഉള്പ്പെടെ ഒന്നര ലക്ഷത്തോളം രൂപയുടെ സാധനങ്ങള് കവര്ന്ന കേസില് ജുവനൈല് ഹോമില് നിന്നും രക്ഷപ്പെട്ട 17കാരന് പൊലീസ് വലയിലായി. ഈ കേസില് നേരത്തെ അറസ്റ്റിലായ അലാവുദ്ദീന് നല്കിയ സൂചനകളുടെ അടിസ്ഥാനത്തില് പൊലീസ് നടത്തിയ അന്വേഷണത്തിലാണ് കോഴിക്കോട്ടുകാരനായ ഇയാള് വലയിലായത്. കാഞ്ഞങ്ങാട് ഒരു വീട്ടില് നിന്നും നാല് പവന് സ്വര്ണാഭരണം കവര്ന്ന കേസും മറ്റൊരു മോഷണക്കേസും ഇയാള്ക്കെതിരെയുണ്ട്. മറ്റൊരു മോഷണശ്രമത്തില് നാട്ടുകാരുടെ പിടിയില് നിന്നും വിദഗ്ധമായി രക്ഷപ്പെട്ട ഇയാളുടെ നഷ്ടപ്പെട്ട പഴ്സിലെ അഡ്രസാണ് പിടികൂടാന് പൊലീസിന് സഹായകമായത്. ഈ കേസില് ജുവനൈല് ഹോമില് താമസിച്ചുകൊണ്ടിരിക്കെയാണ് മാസങ്ങള്ക്കു മുമ്പ് രക്ഷപ്പെട്ടത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.