കാസര്കോട്: സാമൂഹിക സാംസ്കാരിക പുരോഗതി ലക്ഷ്യമാക്കി ‘കാസര്കോട് ഉത്സവ്’ സംഘടിപ്പിക്കുന്ന കാന്ഫെസ്റ്റ് അഖിലേന്ത്യാ പ്രദര്ശനം ഫെബ്രുവരി 12ന് തുടങ്ങുമെന്ന് സംഘാടക സമിതി വാര്ത്താസമ്മേളനത്തില് അറിയിച്ചു. പ്രദര്ശനം 20ന് അവസാനിക്കും. ഉദ്ഘാടനം 13ന് വൈകീട്ട് ഏഴിന് നുള്ളിപ്പാട്ടി അയ്യപ്പക്ഷേത്ത്രിന് സമീപം തയാറാക്കിയ പ്രദര്ശന നഗരിയില് എന്.എ. നെല്ലിക്കുന്ന് എം.എല്.എ നിര്വഹിക്കും. ഇറ്റലിയില് നിന്ന് ഇറക്കുമതി ചെയ്ത ടോറടോറ അടങ്ങിയ അമ്യൂസ്മെന്റ് പാര്ക്ക് ഇ. ചന്ദ്രശേഖരന് എം.എല്.എയും കണ്സ്യൂമര് സ്റ്റാളുകള് കെ. കുഞ്ഞിരാമന് എം.എല്.എയും റോബോട്ടിക് ആനിമല് ഷോ നഗരസഭാ അധ്യക്ഷ ബീഫാത്തിമ ഇബ്രാഹിമും ഉദ്ഘാടനം ചെയ്യും. പ്രദര്ശനത്തില് ലഭിക്കുന്ന വരുമാനത്തിന്െറ ഒരുവിഹിതം കാസര്കോട് ജില്ലയിലെ കാന്സര് രോഗികളുടെ ചികിത്സക്ക് പ്രയോജനപ്പെടുത്തും. എല്ലാദിവസവും വൈകീട്ട് നാലുമുതല് രാത്രി 9.30 വരെയാണ് പ്രദര്ശനം. ജില്ലാ പഞ്ചായത്ത് സ്റ്റാന്ഡിങ് കമ്മിറ്റി ചെയര്മാന് പാദൂര് കുഞ്ഞാമുഹാജി, അബ്ബാസ് ബീഗം, എം.കെ. രാധാകൃഷ്ണന്, അര്ജുനന് തായലങ്ങാടി, കെ. ദിനേശന് എന്നിവര് വാര്ത്താസമ്മേളനത്തില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.