പേരാവൂർ: നാലു ലിറ്റർ വിദേശമദ്യവുമായി പെരുമ്പുന്ന സ്വദേശി പേരാവൂർ എക്സൈസിൻെറ പിടിയിലായി. പെരുമ്പുന്നയിലെ മണി യാണ് (54) പിടിയിലായത്. ബിവറേജസിൻെറ ചില്ലറ വിൽപനശാലയിൽനിന്ന് അനുവദനീയമായ അളവിൽ കൂടുതൽ ഇന്ത്യൻ നിർമിത വിദേശമദ്യം വാങ്ങി കടത്തിക്കൊണ്ടു വരുന്നതിനിടെയാണ് പെരുമ്പുന്ന അർച്ചന ആശുപത്രിക്കു മുൻവശം ഇയാൾ എക്സൈസ് സംഘത്തിൻെറ പിടിയിലാവുന്നത്. ഓണം സ്പെഷൽ എൻഫോഴ്സ്മൻെറ് ഡ്രൈവ് -ഓപറേഷൻ വിശുദ്ധിയുടെ ഭാഗമായി പേരാവൂർ എക്സൈസ് നടത്തിയ റെയ്ഡിലാണ് ഇയാളെ പിടികൂടിയത്. പ്രിവൻറിവ് ഓഫിസർ എം.പി. സജീവൻെറ നേതൃത്വത്തിൽ പ്രിവൻറിവ് ഓഫിസർ (ഗ്രേഡ്) ഇ.സി. ദിനേശൻ, സിവിൽ എക്സൈസ് ഓഫിസർമാരായ സി.പി. ഷാജി, ഷൈബി കുര്യൻ, കെ.എ. ഉണ്ണികൃഷ്ണൻ, എൻ.സി. വിഷ്ണു എന്നിവരുൾപ്പെട്ട സംഘമാണ് ഇയാളെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.