തലശ്ശേരി: തലശ്ശേരി റെയിൽവേ സ്റ്റേഷനിലെ രണ്ടാം നമ്പർ പ്ലാറ്റ്ഫോമിൽ സ്ഥാപിച്ച മൂലയൂട്ടൽ കേന്ദ്രം തലശ്ശേരി െഎ.എം.എ പ്രസിഡൻറ് ഡോ. സി.കെ. രാജീവ് നമ്പ്യാരും വിമൻസ് െഎ.എം.എ പ്രസിഡൻറ് ഡോ. സിതാരയും ചേർന്ന് ഉദ്ഘാടനംചെയ്തു. തലശ്ശേരി െഎ.എം.എയും റെയിൽേവ പാസഞ്ചേഴ്സ് അസോസിയേഷനും സംയുക്തമായാണ് മുലയൂട്ടൽ കേന്ദ്രം സ്ഥാപിച്ചത്. സി.പി. ആലുപ്പി കേയി അധ്യക്ഷതവഹിച്ചു. ഡോ. മിനി ബാലകൃഷ്ണൻ, ഡോ. ഗോപിനാഥ്, ഡോ. ജോണി സെബാസ്റ്റ്യൻ, ശശികുമാർ കല്ലിഡുംബിൽ, സജീവ് മാണിയത്ത്, സ്റ്റേഷൻ മാനേജർ ഒ.വി. രമേശ്കുമാർ, റെയിൽവേ ഹെൽത്ത് ഇൻസ്പെക്ടർ ജിതിൻ, റിട്ട. സ്റ്റേഷൻ മാനേജർ പ്രദീപ്കുമാർ, വി.വി. ഗോപാലകൃഷ്ണൻ, വി.കെ. ജവാദ് അഹമ്മദ് എന്നിവർ സംസാരിച്ചു. കഴിഞ്ഞ ഞായറാഴ്ച തലശ്ശേരി ജഗന്നാഥ ടെമ്പിൾ ഗേറ്റ് റെയിൽവേ സ്േറ്റഷൻ പരിസരത്ത് പാളത്തിൽ കണ്ടെത്തിയ വിള്ളൽ തക്കസമയത്ത് റെയിൽവേ അധികൃതരെ അറിയിച്ച് ട്രെയിൻദുരന്തം ഒഴിവാക്കിയ നങ്ങാരത്ത് പീടിക ഒാടക്കായിക്കുന്നിലെ കാർത്തിക ഹൗസിൽ കെ. അരവിന്ദാക്ഷനെ ചടങ്ങിൽ ആദരിച്ചു. സാക്കിർ കാത്താണ്ടി നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.