പഴയങ്ങാടി: താവം ഈഗിൾ ആർട്സ് ആൻഡ് സ്പോർട്സ് ക്ലബ് സംഘടിപ്പിക്കുന്ന നന്മമരം പദ്ധതി പരിസ്ഥിതി പ്രവർത്തകൻ കെ.പി. ചന്ദ്രാംഗദൻ ഉദ്ഘാടനം ചെയ്തു. താവം ഈഗിൾ ആർട്സ് ആൻഡ് സ്പോർട്സ് ക്ലബും കണ്ണൂർ നെഹ്റു യുവകേന്ദ്രയും സംയുക്തമായാണ് പദ്ധതി സംഘടിപ്പിക്കുന്നത്. പരിസ്ഥിതി വനവത്കരണ പരിപാടികൾ കുട്ടികളിൽനിന്ന് ആരംഭിക്കുക എന്നതാണ് നന്മമരം പദ്ധതിയുടെ പ്രധാന ലക്ഷ്യം. പരിസ്ഥിതി ദിനത്തിൽ വെച്ചുപിടിപ്പിക്കുന്ന മരങ്ങൾ സംരക്ഷിക്കുക എന്നതു പദ്ധതിയുടെ ലക്ഷ്യമാണ്. പദ്ധതിയുടെ ഭാഗമായി താവം ചെറുകുന്ന് പ്രദേശത്ത് ആയിരം വൃക്ഷത്തൈകൾ നടും. ചെറുകുന്ന് താവം അംഗൻവാടി കുട്ടികൾക്ക് നെല്ലിമരത്തിൻെറ ചെടികൾ നൽകിക്കൊണ്ട് പദ്ധതി ഉദ്ഘാടനം ചെയ്തു. കെ.വി. ലതീഷ് അധ്യക്ഷത വഹിച്ചു. സതീശൻ വെങ്ങര, എം.എം. സൂരജ്, ടി. ഷിനു, ഐ.വി. അശ്വിൻ, നികേഷ് താവം, പ്രതീക്ഷ രാജേഷ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.