കണ്ണൂർ സിറ്റി: കൊലപാതകങ്ങളിൽ ബി.ജെ.പിയും സി.പി.എമ്മും ഒരേ നിലപാടുകളാണ് സ്വീകരിക്കുന്നതെന്ന് കെ.എം. ഷാജി എം.എൽ.എ. ബി.ജെ.പി മതത്തിൻെറ പേരിലാണ് മനുഷ്യരെ കൊല്ലുന്നതെങ്കിൽ സി.പി.എം കൊല്ലുന്നത് രാഷ്ട്രീയത്തിൻെറ പേരിലാണെന്നുള്ള വ്യത്യാസം മാത്രം. കണ്ണൂർ സിറ്റിയിൽ നടന്ന യു.ഡി.എഫ് കണ്ണൂർ ഈസ്റ്റ് മണ്ഡലം കമ്മിറ്റി പൊതുയോഗം ഉദ്ഘാടനം ചെയ്യുകയായിരുന്നു അദ്ദേഹം. ബി.ജെ.പിയെ നേരിടാൻ ഇടതുപക്ഷം മാത്രം എന്ന് പറഞ്ഞു നടക്കുന്ന ഇടതുപക്ഷക്കാർ ബി.ജെ.പിയെ എവിടെയാണ് നേരിടുന്നെതന്നുകൂടി വ്യക്തമാക്കണം. ഒരു മണ്ഡലത്തിൽപോലും ഇരുവരും നേരിട്ട് ഏറ്റുമുട്ടുന്നില്ലെന്നും അദ്ദേഹം പറഞ്ഞു. രാജീവൻ എളയാവൂർ, പി. കുഞ്ഞിമുഹമ്മദ്, അഡ്വ. ടി.ഒ. മോഹനൻ, സി. സമീർ, ഇസ്മത്ത്, ആഷിഖ്, അൽത്താഫ് മാങ്ങാടൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.