പാപ്പിനിശ്ശേരി: രാജ്യത്തിൻെറ നിലനിൽപ് അപകടത്തിലാണെന്നും ഇത് പരിഹരിക്കാന് സംഘ്പരിവാർ ശക്തികളെ അധികാരത്തിൽ നിന്ന് പുറത്താക്കാൻ വോട്ടവകാശം വിനിയോഗിക്കണമെന്നും വെല്ഫെയര് പാര്ട്ടി ജില്ല പ്രസിഡൻറ് സൈനുദ്ദീൻ കരിവെള്ളൂർ പറഞ്ഞു. പാപ്പിനിശ്ശേരി പഞ്ചായത്ത് വെൽഫെയർ പാർട്ടി സംഘടിപ്പിച്ച കുടുംബസംഗമം ഉദ്ഘാടനം ചെയ്യുകയായിരുന്നു അദ്ദേഹം. കേരളത്തിൽ കോൺഗ്രസ് നയിക്കുന്ന യു.ഡി.എഫ് സ്ഥാനാർഥികളെ വിജയിപ്പിക്കാൻ പരിശ്രമിക്കണമെന്നും അദ്ദേഹം ആഹ്വാനം ചെയ്തു. പാർട്ടി അഴീക്കോട് മണ്ഡലം പ്രസിഡൻറ് എൻ.എം. കോയ അധ്യക്ഷത വഹിച്ചു. പഞ്ചായത്ത് കമ്മിറ്റി പ്രസിഡൻറ് വി.എം. നവാസ്, വൈസ് പ്രസിഡൻറ് എം. ഇബ്രാഹീം, ഫ്രറ്റേണിറ്റി മണ്ഡലം പ്രസിഡൻറ് ഇ.കെ. തസ്ലീം എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.