ചാലാട്: പ്രളയബാധിതർക്ക് കൈത്താങ്ങായി മുഖ്യമന്ത്രിയുടെ ദുരിതാശ്വാസനിധിയിലേക്ക് ചാലാട് അൽ മദ്റസത്തുൽ ഇസ്ലാമിയ വിദ്യാർഥികൾ സ്വരൂപിച്ച 30,050 രൂപയും. മാതൃസംഗമത്തിൽ നടന്ന ചടങ്ങിൽ പ്രിൻസിപ്പൽ കെ. ജസീറും വിദ്യാർഥികളും േചർന്ന് ജമാഅത്തെ ഇസ്ലാമി ചാലാട് ഘടകം സെക്രട്ടറി കെ.പി. റഫീഖിന് തുക കൈമാറി. ജമാഅത്തെ ഇസ്ലാമി ജില്ല സമിതിയംഗം സി.പി. ഹാരിസ് മുഖ്യപ്രഭാഷണം നടത്തി. പഞ്ഞിക്കയിൽ ഹുദാ മസ്ജിദ് ഖത്തീബ് കെ.കെ. സുഹൈർ മുഹമ്മദ്, ചാലാട് ഹിറ ചാരിറ്റബിൾ ട്രസ്റ്റ് അംഗം സി.എച്ച്. ഷൗക്കത്തലി എന്നിവർ സംസാരിച്ചു. ജില്ലയിൽനിന്ന് ഏറ്റവും നല്ല അധ്യാപികയായി തെരഞ്ഞെടുക്കപ്പെട്ട ചാലാട് അൽമദ്റസത്തുൽ ഇസ്ലാമിയ അധ്യാപിക എം.കെ. സുമയ്യയെ സി.പി. ഹാരിസ് അവാർഡ് നൽകി ആദരിച്ചു. മദ്റസ മാനേജർ കെ. മുഹമ്മദ് റാസിഖ് സ്വാഗതവും പ്രിൻസിപ്പൽ കെ. ജസീർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.