മാഹി: വിദ്യാർഥി കൺസഷൻ പുതുച്ചേരി റോഡ് കോർപറേഷെൻറ മാഹിയിൽ ഒാടുന്ന ബസുകളിൽ മാത്രം. പുതുച്ചേരിയിൽ സർവിസ് നടത്തുന്ന പി.ആർ.ടി.സി ബസുകളിൽ കൺസഷൻ ഇല്ലാത്തതിനാൽ മുഴുവൻ ചാർജും നൽകിയാണ് വിദ്യാർഥികൾ യാത്ര ചെയ്യുന്നതെന്ന് പി.ആർ.ടി.സി ഉദ്യോഗസ്ഥൻ അറിയിച്ചു. എന്നാൽ, മാഹിക്കു പുറത്തുള്ള മാഹി റെയിൽവേ സ്റ്റേഷൻ പരിസരം, അഴിയൂർ ചുങ്കം എന്നിവിടങ്ങളിലുള്ള വിദ്യാർഥികൾക്കുൾെപ്പടെ മാഹി, പള്ളൂർ, പന്തക്കൽ പ്രദേശങ്ങളിലെ വിദ്യാലയങ്ങളിൽ പഠിക്കുന്നവർക്കും ഈ ബസുകളിൽ ഒരുരൂപ കൊടുത്ത് 13 കി.മീ. ദൂരം വരെ സഞ്ചരിക്കാൻ കഴിയും. പി.ആർ.ടി.സിയുടെയും മാഹി കോഒാപറേറ്റിവ് സൊസൈറ്റിയുടെയും നാല് ബസുകൾ വീതമാണ് ചാലക്കരയിലൂടെയും പെരിങ്ങാടിയിലൂടെയും സർവിസ് നടത്തുന്നത്. മൂന്ന് ട്രിപ്പുകളാണ് മാഹി റെയിൽവേ സ്റ്റേഷനിൽനിന്ന് പെരിങ്ങാടി വഴി തലശ്ശേരിയിലേക്ക് പോകുന്നത്. യാത്ര ചെയ്യുന്നതിനുള്ള മിനിമം ചാർജ് കേരളത്തിലേതിനെക്കാൾ ഒരുരൂപ കുറവാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.