മുണ്ടോങ്കണ്ടി പാലം തടയണയുടെ അറ്റകുറ്റപ്പണി തുടങ്ങി

പാപ്പിനിശ്ശേരി: പാപ്പിനിശ്ശേരി ചുങ്കം തുരുത്തി റോഡിലെ മുണ്ടോങ്കണ്ടി പാലത്തി​െൻറയും തടയണയുടെയും അറ്റകുറ്റപ്പണി തുടങ്ങി. പതിറ്റാണ്ടുകളായി അവഗണനയിലായ പാലം വർഷങ്ങള്‍ക്ക് മുേമ്പ തകർന്നിരുന്നു. താൽക്കാലികമായി കോൺക്രീറ്റ് നടത്തിയാണ് തുറന്നുകൊടുത്തത്. നാട്ടുകാരുടെ നിരന്തര പരാതിയെ തുടര്‍ന്നാണ്‌ ഇപ്പോൾ നവീകരണപ്രവൃത്തി തുടങ്ങിയത്. വളപട്ടണം പുഴയിൽനിന്ന് കൃഷിയിടങ്ങളിലേക്ക് ഉപ്പുവെള്ളം കയറാതിരിക്കാൻ നിർമിച്ച തടയണയുടെ ഷട്ടറുകൾപോലും ഇടാനാവാത്തവിധം പാലം ജീർണാവസ്ഥയിലായിരുന്നു. അറ്റകുറ്റപ്പണിയുടെ ഭാഗമായി പാലത്തി​െൻറ തൂണുകൾ ബലപ്പെടുത്തുകയും വീതികൂട്ടുകയും ചെയ്യും. തുരുത്തി ഭാഗത്തെ വ്യവസായസ്ഥാപനങ്ങളിലേക്കുള്ള നിരവധി ചരക്കുവാഹനങ്ങളും ഈ പാലം വഴിയാണ് കടന്നുപോകുന്നത്.