തളിപ്പറമ്പ്: നഗരസഭ പരിധിയിലെ വർക്കിങ് ഗ്രൂപ്പുകളുടെ യോഗം മുനിസിപ്പൽ ഓഫിസിൽ ചേർന്നു. നഗരസഭ ചെയർമാൻ മഹമൂദ് അള്ളാംകുളം ഉദ്ഘാടനം ചെയ്തു. വരുന്ന വാർഷിക പദ്ധതിയിൽ തളിപ്പറമ്പ് നഗരസഭയിൽ നടപ്പാക്കേണ്ട വിവിധ പദ്ധതികളെക്കുറിച്ച് ചർച്ച ചെയ്തു. നഗരസഭ കൗൺസിലർമാർക്ക് പുറമെ ഓരോ വാർഡിൽ നിന്നുമുള്ള റിസോഴ്സ്പേഴ്സൻസ് ഉൾപ്പെടെ 200ഓളം പേർ പങ്കെടുത്തു. നഗരസഭ വികസന സ്റ്റാൻഡിങ് കമ്മിറ്റി ചെയർമാൻ പി. മുഹമ്മദ് ഇഖ്ബാൽ അധ്യക്ഷത വഹിച്ചു. സ്ഥിരം സമിതി അധ്യക്ഷന്മാരായ പി.കെ. സുബൈർ, സി. ഉമ്മർ, രജനി രമാനന്ദ്, കെ. അഫ്സത്ത്, പ്രതിപക്ഷ കൗൺസിലർമാരായ എം. ചന്ദ്രൻ, കെ. വത്സരാജൻ എന്നിവർ സംസാരിച്ചു. നഗരസഭ സെക്രട്ടറി കെ. അഭിലാഷ് സ്വാഗതം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.