കേളകം: കണിച്ചാർ പഞ്ചായത്തംഗത്തിെൻറ വീടിനുനേരെ കരിഓയിൽ ഒഴിക്കുകയും വീടിനു മുന്നിൽ നിർത്തിയിട്ട ഓട്ടോറിക്ഷ അടിച്ചുതകർക്കുകയും ചെയ്തു. കണിച്ചാർ പഞ്ചായത്ത് ഒമ്പതാം വാർഡ് അംഗവും കോൺഗ്രസ് നേതാവുമായ തേവർ പൂന്തറ ബാബുവിെൻറ വീടിനും വാഹനത്തിനും നേരെയാണ് ആക്രമണം നടന്നത്. വ്യാഴാഴ്ച രാത്രി 11.30 ഓടെയാണ് സംഭവം. വീടിനു മുന്നിൽ നിർത്തിയിട്ടിരുന്ന റ്റാറ്റ ഐറിസ് ഓട്ടോറിക്ഷയുടെ ഗ്ലാസ് അടിച്ചു തകർത്തു. ശബ്്ദം കേട്ട പഞ്ചായത്തംഗവും ഭാര്യയും പുറത്തിറങ്ങിയപ്പോഴേക്കും അക്രമികൾ ഓടിരക്ഷപ്പെട്ടു. വീടിെൻറ മുൻഭാഗം കരിഓയിൽ ഒഴിച്ച് വികൃതമാക്കി. ബാബുവിെൻറ പരാതിയിൽ പൊലീസ് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.