കണ്ണൂർ: വിവിധ ആവശ്യങ്ങളുന്നയിച്ച് ജില്ല സഹകരണ ബാങ്ക് ജീവനക്കാർ ജില്ല സഹകരണ ബാങ്ക് പടിക്കൽ നടത്തിയ രാപ്പകൽ നിരാഹാരസമരം സമാപിച്ചു. ജില്ല ബാങ്കിലെ ജീവനക്കാർക്ക് അർഹമായ പ്രമോഷൻ നൽകുക, ഒഴിവുള്ള തസ്തികകളിൽ ഉടൻ നിയമനം നടത്തുക, സർക്കാർ ഉത്തരവുകൾ നടപ്പാക്കുക തുടങ്ങിയ ആവശ്യങ്ങൾ ഉന്നയിച്ചാണ് ജില്ല സഹകരണ ബാങ്ക് എംപ്ലോയീസ് ഫെഡറേഷൻ ജില്ല കമ്മിറ്റിയുടെ ആഭിമുഖ്യത്തിൽ സമരം നടത്തിയത്. ജില്ല പഞ്ചായത്ത് പ്രസിഡൻറ് കെ.വി. സുമേഷ് സമാപനം ഉദ്ഘാടനം ചെയ്തു. നിരാഹാരമനുഷ്ഠിക്കുന്നവർക്ക് അദ്ദേഹം നാരങ്ങനീര് നൽകി. എ. കൃഷ്ണൻ അധ്യക്ഷത വഹിച്ചു. കെ. ഷാജി, പി. മനോഹരൻ, അമൽ രവി, സി. ബാലകൃഷ്ണൻ, കെ.ആർ. സരളഭായ്, േപ്രംജിത്ത്, വി.വി. കുഞ്ഞിരാമൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.