കാസർകോട്: കാസർകോട് റെയിൽവേ സ്റ്റേഷനിൽ റെയിൽ കോടതി ക്യാമ്പ് സിറ്റിങ്ങിെൻറ ഭാഗമായി റെയിൽവേ സുരക്ഷാസേന നടത്തിയ പരിശോധനയിൽ 68 പേരെ പിടികൂടി കേസെടുത്തു. ആകെ 19,600 രൂപ പിഴയീടാക്കി. അംഗപരിമിതർക്കായി നീക്കിവെച്ച കോച്ചുകളിൽ യാത്ര ചെയ്തവരും ട്രാക്ക് മുറിച്ചുകടന്നവരും ട്രെയിനിെൻറ ചവിട്ടുപടിയിൽ ഇരുന്ന് യാത്ര ചെയ്തവരും റെയിൽവേ പരിധിയിലെ നോ പാർക്കിങ് ഏരിയയിൽ വാഹനങ്ങൾ നിർത്തിയിട്ടവരുമാണ് പിടിയിലായത്. സ്ത്രീകളുടെ കമ്പാർട്ട്മെൻറിൽ കയറിയ പുരുഷന്മാരെയും പിടികൂടി. ആർ.പി.എഫ് എ.എസ്.െഎ ബിനോയ് കുര്യൻ, ഹെഡ് കോൺസ്റ്റബിൾ വി.വി. സഞ്ജയ് കുമാർ, കോൺസ്റ്റബിൾമാരായ ചിത്രരാജ്, രമേശൻ എന്നിവർ പരിശോധനക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.