പ്ലാസ്റ്റിക് സഞ്ചി നിരോധനം സംസ്ഥാനവ്യാപകമായി നടപ്പാക്കും -മന്ത്രി കെ.ടി. ജലീൽ കണ്ണൂർ: കണ്ണൂർ ജില്ലയിൽ മാതൃകാപരമായി നടപ്പാക്കിയ പ്ലാസ്റ്റിക് കാരിബാഗ ് നിരോധനം സംസ്ഥാനവ്യാപകമായി നടപ്പാക്കാൻ തദ്ദേശ സ്വയംഭരണവകുപ്പ് പദ്ധതി ആവിഷ്കരിച്ചുവരുകയാണെന്ന് മന്ത്രി കെ.ടി. ജലീൽ. മലിനീകരണ നിയന്ത്രണ ബോർഡുമായി സഹകരിച്ചാണ ്പദ്ധതി നടപ്പാക്കുക. ഉടൻതന്നെ ഇക്കാര്യത്തിൽ തീരുമാനമുണ്ടാവുമെന്നും മന്ത്രി പറഞ്ഞു. പ്ലാസ്റ്റിക് കാരിബാഗുകൾ ഇല്ലാതാവുന്നതോടെ മാലിന്യപ്രശ്നത്തിെൻറ 60 ശതമാനവും പരിഹരിക്കപ്പെടും. ആദ്യഘട്ടത്തിൽ പ്ലാസ്റ്റിക് കാരിബാഗുകൾ മാത്രമാണ് നിരോധിക്കുക. മിൽമ പാക്കറ്റുകൾ ഉൾപ്പെടെയുള്ളവക്ക് ബദൽസംവിധാനം കണ്ടെത്തുന്നതിനെക്കുറിച്ച ് ആലോചിക്കുമെന്നും മന്ത്രി പറഞ്ഞു. സംസ്ഥാനത്തെ മുഴുവൻ കലക്ടറേറ്റുകളിലും ശുചിത്വമിഷെൻറ നേതൃത്വത്തിൽ ജൈവ, -അജൈവ മാലിന്യങ്ങൾ സംസ്കരിക്കുന്നതിന് സംവിധാനമൊരുക്കും. ഇതിെൻറ ഭാഗമായി സിവിൽ സ്റ്റേഷൻ കോമ്പൗണ്ടിൽ പ്ലാസ്റ്റിക് െഷ്രഡിങ് യൂനിറ്റുകൾ സ്ഥാപിക്കുമെന്നും മന്ത്രി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.