പയ്യന്നൂർ: പയ്യന്നൂർ, രാമന്തളി പ്രദേശങ്ങളിൽ അക്രമത്തിനിരയായ വീടുകളും സ്ഥാപനങ്ങളും ജില്ല കലക്ടർ മിർ മുഹമ്മദലി സന്ദർശിച്ചു. ഇന്നലെ വൈകീട്ട് മൂന്നരയോടെയാണ് കലക്ടർ പയ്യന്നൂരിലെത്തിയത്. ആർ.എസ്.എസ് ജില്ല കാര്യവാഹക് പി. രാജേഷ്, പ്രവർത്തകൻ ഉണ്ണികൃഷ്ണൻ എന്നിവരുടെ വീടുകളും ബോംബെറിഞ്ഞ് നശിപ്പിച്ച ആർ.എസ്.എസ് കാര്യാലയവും സന്ദർശിച്ചു. രാമന്തളി കക്കംപാറയിൽ സി.പിഎം ബ്രാഞ്ച് സെക്രട്ടറി പി.പി. ജനാർദനൻ, പ്രവർത്തകരായ പി.പി. കൃഷ്ണൻ, പരത്തി ദാമോദരൻ എന്നിവരുടെ വീടുകളും സന്ദർശിച്ചു. കലക്ടറോട് വിവിധ വീട്ടുകാർ സംഭവങ്ങൾ വിവരിച്ചു. പ്രദേശത്ത് സമാധാനം പുനഃസ്ഥാപിക്കാൻ വേണ്ടതുചെയ്യുമെന്ന് അദ്ദേഹം ഉറപ്പുനൽകി. തളിപ്പറമ്പ് ഡിവൈ.എസ്.പി കെ.വി. വേണുഗോപാലും ഒപ്പമുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.