പഴയങ്ങാടി: മതഭൗതിക വിദ്യാഭ്യാസം സർവനന്മകളുടെയും കവാടമാണെന്ന് സമസ്ത കണ്ണൂർ ജില്ല സെക്രട്ടറി മാണിയൂർ അഹമ്മദ് മൗലവി. മുട്ടം മുസ്ലിം ജമാഅത്ത് കമ്മിറ്റിക്ക് വേണ്ടി മുട്ടം നേർവഴി വാട്സ് ആപ് കൂട്ടായ്മ നിർമിച്ചുനൽകുന്ന അൽ ബിർ പ്രീ സ്കൂൾ ശിലാസ്ഥാപനം നിർവഹിക്കുകയായിരുന്നു അദ്ദേഹം. മുട്ടം മുസ്ലിം ജമാഅത്ത് കമ്മിറ്റി പ്രസിഡൻറ് എസ്.കെ.പി. അബ്ദുൽ ഖാദർ ഹാജി അധ്യക്ഷത വഹിച്ചു. മുട്ടം ജുമാമസ്ജിദ് ഖത്തീബ് അലി അക്ബർ ബാഖവി പരിപാടി ഉദ്ഘാടനം ചെയ്തു. സിറാജുദ്ധീൻ ദാരിമി മുഖ്യപ്രഭാഷണം നടത്തി. അൽ ബിർ സ്കൂളിനുള്ള ഫണ്ടിെൻറ ആദ്യഗഡുവിനുള്ള ചെക്ക് കെ. ആസാദ് മാണിയൂർ ഉസ്താദിന് നൽകി നിർവഹിച്ചു. വി.പി. മുഹമ്മദലി മാസ്റ്റർ, കെ. ഹംസക്കുട്ടിഹാജി, എം. ഇബ്രാഹീം, ഇ.എൻ. ഫാറൂഖ് എ.ടി. ഹാരിസ് എന്നിവർ സംസാരിച്ചു. എസ്.എ.പി. മൊയിനുദ്ദീൻ സ്വാഗതവും അബ്ദുല്ല നാലകത്ത് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.