മഞ്ചേശ്വരം: കാണാതായ പൊലീസുകാരനെ ഒരു മാസം കഴിഞ്ഞിട്ടും കണ്ടെത്താനായില്ല. ഇതേത്തുടർന്ന് അന്വേഷണം ഊർജിതമാക്കണമെന്നാവശ്യപ്പെട്ട്‌ മാതാവ് ജില്ല പൊലീസ് മേധാവിക്ക്‌ പരാതി നല്‍കി. മംഗളൂരു പാണ്ഡേശ്വര പൊലീസ് സ്റ്റേഷനിലെ ഹെഡ്‌കോൺസ്റ്റബിളായ മഞ്ചേശ്വരം അംഗടിപദവ്‌ ശാന്തിനഗറിലെ ബി.എം. മോഹന്‍കുമാറിനെ(35)യാണ്‌ കഴിഞ്ഞമാസം അഞ്ചുമുതല്‍ കാണാതായത്‌. രാവിലെ ജോലിക്കെന്നും പറഞ്ഞുപോയ മകന്‍ ജോലിസ്ഥലത്ത്‌ എത്തുകയോ വീട്ടില്‍ തിരിച്ചെത്തുകയോ ചെയ്‌തിട്ടില്ലെന്ന്‌ കാണിച്ച്‌ മാതാവ് ബി.എം. കമലയാണ്‌ പരാതി നല്‍കിയത്‌. നേരത്തെ, മഞ്ചേശ്വരം പൊലീസിലും പാണ്ഡേശ്വരം പൊലീസിലും പരാതി നല്‍കിയിരുന്നുവെങ്കിലും കാര്യമായ അന്വേഷണം നടന്നിട്ടില്ലെന്നാണ്‌ മാതാവ് കമല കാസര്‍കോട്‌ ജില്ല പൊലീസ് ചീഫിന് നല്‍കിയ പരാതിയില്‍ വ്യക്തമാക്കിയിട്ടുള്ളത്‌. മകനെ കണ്ടെത്താന്‍ ഊര്‍ജിത അന്വേഷണം വേണമെന്നും ഇവര്‍ ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.