കാസർകോട്: മൊബൈല് ആപ് നിർമിക്കാന് ഇനി സ്കൂള് കുട്ടികളും. ജില്ലയിലെ രണ്ടായിരത്തോളം 'ഹായ് സ്കൂള് കുട്ടിക്കൂട്ടം' അംഗങ്ങളാണ് ക്രിസ്മസ് അവധിക്കാലത്ത് മൊബൈല് ആപ് നിർമാണം പരിശീലിക്കുന്നത്. കേരളാ ഇന്ഫ്രാസ്ട്രക്ചര് ആൻഡ് ടെക്നോളജി ഫോര് എജുക്കേഷന് (കൈറ്റ്) നേതൃത്വം നല്കുന്ന പരിശീലനം ഈ മാസം 27 മുതല് 30വരെയാണ്. ഓണാവധിക്കാലത്ത് കുട്ടിക്കൂട്ടം അംഗങ്ങള്ക്കായി നടത്തിയ 'ഇ@ഉത്സവ് 2017' ക്യാമ്പില് പങ്കെടുത്ത കുട്ടികള്ക്ക് തുടര്പരിശീലനമായാണ് ക്യാമ്പ്. ജില്ലയിലെ ഏഴു സബ്ജില്ലയിലായി തെരഞ്ഞെടുത്ത 75 സ്കൂളുകളിലാണ് പരിശീലനം നടക്കുക. സംസ്ഥാനത്ത് ആകെ 30,000 കുട്ടികളാണ് ഈ ദിവസങ്ങളില് പരിശീലനത്തില് പങ്കെടുക്കുക. ഇേതാടനുബന്ധിച്ചുള്ള ജില്ല റിസോഴ്സ് അധ്യാപകരുടെ പരിശീലനം 21, 22 തീയതികളിൽ കൈറ്റ് ജില്ല ഓഫിസിലും കാഞ്ഞങ്ങാട് ദുര്ഗ ഹയർ സെക്കൻഡറി സ്കൂളിലും നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.