ഇരിട്ടി: വാഹനാപകടംമൂലം ദുരിതത്തിലായ കുടുംബത്തെ സഹായിക്കാൻ കൈകോർത്ത് മഹല്ല് കമ്മിറ്റി. അഞ്ചു മാസം മുമ്പ് ഓട്ടോയും കാറും ചലോടിനടുത്ത് കൂട്ടിയിടിച്ച് വളോരയിലെ ഉമൈബയും പേരക്കുട്ടി റാഷിദും മരിച്ചിരുന്നു. പരിക്കുപറ്റിയ മക്കളായ മുനാഫ്, റംഷാദ് എന്നിവർ ഇപ്പോഴും ചികിത്സയിലാണ്. കുടുംബത്തിെൻറ നിത്യെചലവിനായി കമ്മിറ്റി ഓട്ടോ വാങ്ങിനൽകി. ഓട്ടോയുടെ താക്കോൽദാനം മഹല്ല് ഖതീബ് സഹീർ ബാഖവിക്ക് നൽകി മഹല്ല് പ്രസിഡൻറ് ഗഫൂർഹാജി നിർവഹിച്ചു. കെ. അസൈനാർ, പി.എൻ. ഹാഷിം, എം. മുസ്തഫ, കെ. മുസ്തഫ, വി. മുഹമ്മദ് എന്നിവർ സംസാരിച്ചു. മഹല്ല് കമ്മിറ്റിയുടെ നേതൃത്വത്തിൽ ഉമൈബ കുടുംബസഹായ കമ്മിറ്റി രൂപവത്കരിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.