കുമ്പള: കുമ്പള ടൗണിലെ ട്രാഫിക് പരിഷ്കരണം വ്യാപാരികളുടെ നിസ്സഹകരണംമൂലം നടപ്പായില്ല. നേരത്തെ കുമ്പള പൊലീസ് സ്റ്റേഷനില്‍ ചേര്‍ന്ന വിവിധ രാഷ്ട്രീയ-സംഘടനാ പ്രതിനിധികളുടെയും വ്യാപാരിനേതാക്കളുടെയും യോഗത്തില്‍ ചൊവ്വാഴ്ച മുതൽ ട്രാഫിക് പരിഷ്കരണം നടപ്പാക്കാൻ തീരുമാനിച്ചിരുന്നു. ചൊവ്വാഴ്ച രാവിലെ എസ്.ഐ ശിവദാസെൻറ നേതൃത്വത്തിൽ പൊലീസെത്തി ബദിയടുക്ക റോഡിൽ പരിഷ്കരണം നടപ്പാക്കാൻ ശ്രമിച്ചതോടെ ഇവിടത്തെ വ്യാപാരികൾ എതിർപ്പുമായി രംഗത്തുവന്നു. വ്യാപാരികളുമായി കൂടിയാലോചിക്കാതെ അപ്രായോഗികമായ പരിഷ്കരണമാണെന്ന് ആരോപിച്ചായിരുന്നു ഇത്. പൊലീസ്, നടപടികളുമായി മുന്നോട്ടുപോകുമെന്നായതോടെ ഈ ഭാഗത്തുള്ള വ്യാപാരികൾ കടകളടച്ചു. ഇതോടെ പൊലീസ് പിന്മാറുകയായിരുന്നു. എന്നാൽ, കളത്തൂർ ഭാഗത്തേക്കുള്ള ബസുകൾ പുതിയ തീരുമാനപ്രകാരം പാർക്ക് ചെയ്തു. മത്സ്യവിൽപനക്കാരും വൈകീട്ടുവരെ മാർക്കറ്റിനകത്തുതന്നെ വ്യാപാരം നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.