ചെറുപുഴ: കാറില്‍ കടത്തുകയായിരുന്ന വന്‍ സ്ഫോടകശേഖരം പെരിങ്ങോം പൊലീസ് പിന്തുടര്‍ന്ന് പിടികൂടി. കരിങ്കല്‍ ക്വാറികളില്‍ ഉഗ്രസ്ഫോടനത്തിന് ഉപയോഗിക്കുന്ന 400 ഡിറ്റണേറ്ററുകളാണ് ചൊവ്വാഴ്ച രാത്രി ഏഴരയോടെ പെരിങ്ങോം എസ്.ഐ ശ്രീനിവാസനും സംഘവും പിടികൂടിയത്. വയക്കരക്കുസമീപം വാഹനപരിശോധനക്കിടെ നിര്‍ത്താതെപോയ ടാറ്റ ഇന്‍ഡിക്ക കാറിനെ പിന്തുടര്‍ന്ന് പെരിങ്ങോം കുപ്പോളിനടുത്ത് പിടികൂടി പരിശോധിച്ചപ്പോഴാണ് സ്ഫോടകശേഖരം കണ്ടത്തെിയത്. 50 ഡിറ്റണേറ്ററുകള്‍ വീതമുള്ള എട്ടു ബണ്ടിലുകളാണ് പിടിച്ചെടുത്തത്. വാഹനമോടിച്ചിരുന്ന ഭീമനടി സ്വദേശി മുസ്തഫയെ (34) കസ്റ്റഡിയി ലെടുത്തു. പെരിങ്ങോം, പെടേന, പെരുവാമ്പ ഭാഗങ്ങളില്‍ പ്രവര്‍ത്തിക്കുന്ന ക്വാറികളിലേക്ക് കടത്തിക്കൊണ്ടുവന്നതാണ് സ്ഫോടകശേഖരമെന്നാണ് കരുതുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.