പുതിയതെരു: അശ്രദ്ധമായി പിറകോട്ടെടുത്ത ലോറിയിലെ മരം കാറിന്െറ മുകളില് ഇടിച്ചു കയറി. വളപട്ടണത്തു നിന്നും കാട്ടാമ്പള്ളിയിലേക്ക് പോവുകയായിരുന്ന കാര് കീരിയാട് സെന്ട്രല് വുഡ് സോമില്ലിനു മുന്നിലാണ് കുരുക്കില്പെട്ടത്. മില്ലിലേക്കു വന്ന ലോറി മരമിറക്കാന് സ്ഥലം പോരാത്തതിനെ തുടര്ന്ന് പിറകോട്ട് എടുക്കുകയായിരുന്നു. മരമുള്പ്പെടെ ലോറി റോഡിലേക്ക് ഇറങ്ങുന്നതുകണ്ട് കാര് ബ്രേക്കിട്ടെങ്കിലും മരത്തിനടിയില് കുടുങ്ങുകയായിരുന്നു. ഇതോടെ വണ്ടി നിര്ത്തി യാത്രക്കാര് പുറത്തിറങ്ങി. പിന്നീട് ലോറി മുന്നോട്ടെടുത്ത് കാര് വേര്പ്പെടുത്തുകയായിരുന്നു. കാറിന്െറ മുകള്വശം മുഴുവന് മരം ഉരഞ്ഞ് കേടായി. ലോറിയില് നിന്നും മരം വീണിരുന്നുവെങ്കില് വന് ദുരന്തത്തിന് കാരണമാകുമായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.