കുമളി: അട്ടപ്പള്ളം സെന്റ് തോമസ് ഫൊറോന പള്ളിയുടെ ഓഫിസ് കുത്തിത്തുറന്ന് മോഷണം നടത്തിയ മൂന്ന് പ്രതികളെ കുമളി പൊലീസ് അറസ്റ്റ് ചെയ്തു. തമിഴ്നാട് ധര്മപുരി ജില്ലക്കാരായ നടരാജന് (42), മുരുകന് (32), കുപ്പുസ്വാമി (45), എന്നിവരെയാണ് എസ്.ഐമാരായ ജോസഫ്, പ്രജീഷ് എന്നിവര് ചേര്ന്ന് അറസ്റ്റ് ചെയ്തത്. സംഘാംഗമായ ഗണേശന് (43) രക്ഷപ്പെട്ടു. രണ്ടാഴ്ചകള്ക്ക് മുമ്പാണ് അട്ടപ്പള്ളം പള്ളിയുടെ ഓഫിസ് കുത്തിത്തുറന്ന് 1.47 ലക്ഷം കവര്ന്നത്. ആന്ധ്രയില് രക്തചന്ദന കടത്തില് സജീവമായിരുന്ന പ്രതികള്, ആന്ധ്രാ പൊലീസിന്െറ പിടിയില്നിന്ന് രക്ഷപ്പെട്ടത്തെിയാണ് കേരളത്തില് വ്യാപകമായി മോഷണം നടത്തിയത്. വീടുകള്, കടകള്, ഓഫിസുകള് എന്നിവ കുത്തിത്തുറന്ന് സ്വര്ണവും പണവും മോഷ്ടിക്കുന്ന പ്രതികള് കേസ് നടത്താന് സ്ഥിരമായി അഭിഭാഷകനെ നിയോഗിച്ചിരുന്നതായി പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.