ആലപ്പുഴ: പൊലീസിന്‍െറ വ്യാപക പരിശോധനയില്‍ വ്യാഴാഴ്ച 83 പേര്‍ കൂടി അറസ്റ്റിലായി. 275 പേരെയാണ് പൊലീസ് 32 സ്റ്റേഷനുകളില്‍ പിടികൂടി ചോദ്യംചെയ്തത്. ഗുണ്ട, ക്വട്ടേഷന്‍ സംഘങ്ങളുടെ ആക്രമണം അവസാനിപ്പിക്കാന്‍ പൊലീസ് സ്വീകരിച്ച നടപടിയുടെ ഭാഗമായിരുന്നു ഓപറേഷന്‍ ഗുണ്ട എന്ന പേരില്‍ പരിശോധന ആരംഭിച്ചത്. ജില്ല പൊലീസ് മേധാവി വി.എം. മുഹമ്മദ് റഫീഖിന്‍െറ നേതൃത്വത്തില്‍ നടക്കുന്ന പരിശോധനക്ക് കൊച്ചി റേഞ്ച് ഐ.ജി നേരിട്ട് മേല്‍നോട്ടം വഹിക്കുന്നുണ്ട്. വിവിധ കേസുകളിലെ പ്രതികള്‍, വാറന്‍റുകളില്‍ ഒളിവില്‍ കഴിയുന്നവര്‍ എന്നിവരാണ് ഓപറേഷന്‍ ഗുണ്ട പ്രകാരം പിടിയിലായവരില്‍ അധികവും. പൊലീസിന്‍െറ ഗുണ്ടലിസ്റ്റില്‍ ഉള്‍പ്പെടാത്തവരായി ആരെങ്കിലുമുണ്ടോ എന്ന പരിശോധനയും ഇതോടൊപ്പം നടത്തുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.