അമ്പലപ്പുഴ: അമ്പലപ്പുഴ-ഹരിപ്പാട് റെയില് പാത ഇരട്ടിപ്പിക്കല് നിര്മാണപുരോഗതി വിലയിരുത്താന് ഉന്നത റെയില്വേ സംഘം എത്തിയത് പ്രതീക്ഷക്ക് വകനല്കുന്നു. റെയില്വേ കണ്വെന്ഷന് കമ്മിറ്റിയാണ് ആലപ്പുഴയില് ചര്ച്ച നടത്തിയശേഷം അമ്പലപ്പുഴയില് എത്തിയത്. കെ.സി. വേണുഗോപാല് എം.പിയാണ് ആലപ്പുഴ മണ്ഡലത്തില് ഉള്പ്പെടുന്ന റെയില്വേയുടെ തീരപാത ഇരട്ടിപ്പിക്കലുമായി ബന്ധപ്പെട്ട വിഷയങ്ങളും പ്രശ്നങ്ങളും അവരുടെ ശ്രദ്ധയില്പെടുത്തിയത്. തിങ്കളാഴ്ച രാവിലെ 11 മണിയോടെയാണ് സംഘം അമ്പലപ്പുഴ റെയില്വേ സ്റ്റേഷനില് എത്തിയത്. ഇരട്ടിപ്പിക്കല് പ്രദേശങ്ങള് സംഘം സന്ദര്ശിച്ചു. സമിതി ചെയര്മാന് രംഗരാജന്, അബ്ദുല് വഹാബ് എം.പി, അശോക് കുമാര് എം.പി എന്നിവരും കെ.സി. വേണുഗോപാലും ഉണ്ടായിരുന്നു. ഒരുമാസത്തിനുള്ളില് പാത ഇരട്ടിപ്പിക്കലിന്െറ പണി വേഗത്തിലാക്കാന് നടപടിയെടുക്കുമെന്ന് സംഘം വ്യക്തമാക്കിയതായി കെ.സി. വേണുഗോപാല് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.