വടുതല: തെരഞ്ഞെടുപ്പിന്െറ മറവില് വടുതലയില് നിലം നികത്തല് വ്യാപകം. അരൂക്കുറ്റി പഞ്ചായത്ത് ആറാം വാര്ഡില് വടുതല പാട്ടത്തില് മിര്സാദ് റോഡിന് സമീപം കണ്ടത്തിച്ചിറ പ്രദേശത്ത് റോഡ് നിര്മിക്കുന്നതിന്െറ മറവിലാണ് നിലം നികത്തുന്നത്. പ്രദേശത്തെ ഏതാനും കുടുംബങ്ങള്ക്കായി നിര്മിക്കുന്ന റോഡിന് സമാന്തരമായാണിത്. പരാതിയുമായി പ്രദേശവാസികളും റഹീം കാമ്പള്ളിയെന്ന വ്യക്തിയും രംഗത്തുവന്നിരുന്നു. എന്നാല്, ഇതെല്ലാം മറികടന്നാണ് നികത്തല് നടക്കുന്നത്. മഴക്കാലത്ത് രൂക്ഷമായ വെള്ളക്കെട്ടുണ്ടാകാന് ഇത് കാണമാകും. അധികൃതര് സ്ഥലം സന്ദര്ശിച്ചെങ്കിലും നടപടി സ്വീകരിച്ചില്ളെന്ന് പറയുന്നു. നികത്തല് തടയാന് അധികൃതര് അടിയന്തര നടപടി സ്വീകരിക്കണമെന്ന് വെല്ഫെയര് പാര്ട്ടി അരൂക്കുറ്റി പഞ്ചായത്ത് കമ്മിറ്റി ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.