തുറവൂര്: കുത്തിയതോട് പഞ്ചായത്ത് അഞ്ചാം വാര്ഡില് പാട്ടുകുളങ്ങര-നാലുകുളങ്ങര റോഡില്നിന്ന് തഴുപ്പിലേക്കുള്ള റോഡ് സഞ്ചാരയോഗ്യമാക്കണമെന്ന ആവശ്യം ശക്തമായി. നിത്യേന നൂറുകണക്കിനാളുകള് യാത്രചെയ്യുന്ന റോഡില് കുണ്ടും കുഴിയും നിറഞ്ഞു. മെറ്റലിളകി റോഡില് ചിതറിക്കിടക്കുന്നതിനാല് ഇരുചക്ര-കാല്നട യാത്രക്കാര്ക്കും സഞ്ചരിക്കാന് പറ്റാത്ത അവസ്ഥയാണ്. കുഴികളില് മഴവെള്ളം കെട്ടിക്കിടക്കുന്നതിനാല് വാഹനങ്ങള് അപകടത്തില് പെടുന്നത് പതിവാണ്. ഓട്ടോകള് ഇതുവഴി വരാന് മടിക്കുന്നു. ഇതുമൂലം രോഗികളെ കൃത്യസമയത്ത് ആശുപത്രിയില് എത്തിക്കാന് കഴിയുന്നില്ല. റോഡ് നന്നാക്കിയിട്ട് 10വര്ഷം കഴിഞ്ഞെന്ന് നാട്ടുകാര് പറയുന്നു. റോഡ് സഞ്ചാരയോഗ്യമാക്കാന് അധികൃതര് അടിയന്തര നടപടി സ്വീകരിക്കണമെന്നാണ് ആവശ്യം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.