മാവേലിക്കര: വടിവാള് ഉള്പ്പടെയുള്ള മാരാകായുധങ്ങളുമായി രണ്ടുപേരെ കുറത്തികാട് പൊലീസ് പിടികൂടി. കൃഷ്ണപുരം തെക്ക്മുറിയില് വാവിലയ്യത്ത് വീട്ടില് സുനില് (38), കായംകുളം ചേരാവള്ളി കാരൂര് തെക്കതില് ഉണ്ണികൃഷ്ണന് (42) എന്നിവരാണ് പിടിയിലായത്. കഴിഞ്ഞദിവസം മൂന്നാംകുറ്റി ജങ്ഷനില് നടന്ന വാഹന പരിശോധനയിലാണ് പിടികൂടിയത്. ഇവര് സഞ്ചരിച്ചിരുന്ന കെ.എല് 29 ജെ 2697 കാറില്നിന്ന് വടിവാള്, വെട്ടുകത്തി, ചാക്കില് പൊതിഞ്ഞ നിലയില് മറ്റൊരു വാള് എന്നിവ കണ്ടെടുത്തു. സംഭവത്തില് വിശദമായ അന്വേഷണം നടന്നുവരുന്നതായി പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.