ചാരുംമൂട്: ക്രിസ്മസ് ദിനത്തില് പരിസ്ഥിതി പ്രവര്ത്തനവുമായി തണ്ടാനുവിള ഗവ. എസ്.വി.എച്ച്.എസ്.എസിലെ എന്.എസ്.എസ് വളന്റിയര്മാര്. പരിസ്ഥിതി സംഘടനയായ ഗ്രീന്വെയിലിന്െറ സഹായത്തോടെയാണ് പാലമേല് പഞ്ചായത്ത് എരുമക്കുഴി വാര്ഡിലെ മുഴുവന് വീടുകളിലും കറിവേപ്പിന് തൈകള് നട്ടത്. ഇത് ക്രിസ്മസ് സമ്മാനമാണെന്ന് കുട്ടികള് ഓരോ വീട്ടുകാരോടും പറഞ്ഞു. ‘വിഷരഹിത ഭക്ഷണത്തിനായി ഒരു ചുവട്’ എന്ന പദ്ധതിയില് പെടുത്തിയാണ് നാഷനല് സര്വിസ് സ്കീം വളന്റിയര്മാര് തൈകള് നട്ടത്. ഭരണിക്കാവ് ബ്ളോക്ക് പഞ്ചായത്ത് ആക്ടിങ് പ്രസിഡന്റ് എം.കെ. വിമലന് പദ്ധതി ഉദ്ഘാടനം ചെയ്തു. പി.ടി.എ പ്രസിഡന്റ് പ്രഭ വി. മറ്റപ്പള്ളി അധ്യക്ഷത വഹിച്ചു. ഗ്രീന്വെയില് സംസ്ഥാന കോഓഡിനേറ്റര് റാഫി രാമനാഥ്, പഞ്ചായത്ത് മുന് പ്രസിഡന്റ് ബി. ബിജു, പഞ്ചായത്ത് അംഗം എസ്. രാധിക, പ്രോഗ്രാം ഓഫിസര് ഇ. നിയാസ് എന്നിവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.