മാന്നാര്: പരുമലയില് ആക്രമണത്തില് പരിക്കേറ്റ് ചികിത്സയിലിരിക്കെ മധ്യവയസ്കന് മരിച്ച സംഭവത്തിന് പ്രതികളായ പിതാവും മകനും സഹോദരനും റിമാന്ഡിലായി. പരുമല കാട്ടില് കിഴക്കേതില് ഫ്രാന്സിസ് ബ്രൂണാണ് (വാവച്ചന്-51) കഴിഞ്ഞ 22ന് പരുമല ആശുപത്രിക്ക് സമീപമുണ്ടായ ആക്രമണത്തില് കൊല്ലപ്പെട്ടത്. കോട്ടയം മെഡിക്കല് കോളജില് ചികിത്സയിലായിരുന്ന ഇയാള് 13ന് പുലര്ച്ചെയാണ് മരിച്ചത്. സംഭവവുമായി ബന്ധപ്പെട്ട് മൂന്നുപേര്ക്കെതിരെ പൊലീസ് കേസെടുത്തിരുന്നു. പരുമല പുത്തന് പുരയില് പി.പി.ജോണ് (58), മകന് ജെന്നി. പി. ജോണ് (29), അനുജന് ആന്റണി (49) എന്നിവരെ പ്രതി ചേര്ത്താണ് പൊലീസ് കേസെടുത്തത്. ഇതില് ആന്റണിയെ പൊലീസ് നേരത്തേ അറസ്റ്റ് ചെയ്തിരുന്നു. പി.പി. ജോണും മകന് ജെന്നിയും ഒളിവിലായിരുന്നു. ഇവരെ കഴിഞ്ഞദിവസം പൊലീസ് അറസറ്റ്ചെയ്തു. കോടതിയില് ഹാജരാക്കിയ ഇരുവരെയും റിമാന്ഡ് ചെയ്തു. കൂടുതല് തെളിവെടുപ്പിനും മറ്റുമായി പ്രതികളെ പൊലീസ് കസ്റ്റഡിയില് വാങ്ങും. മരിച്ച ഫ്രാന്സിസിന്െറ സംസ്കാരം വന്ജനാവലിയുടെ സാന്നിധ്യത്തില് നടത്തി. രാജ്യസഭാ ഉപാധ്യക്ഷന് പ്രഫ. പി.ജെ. കുര്യന്, ആന്േറാ ആന്റണി എം.പി, മാത്യു ടി. തോമസ് എം.എല്.എ, മുഖ്യമന്ത്രിയുടെ മകന് ചാണ്ടി ഉമ്മന് തുടങ്ങിയവര് അന്തിമോപചാരം അര്പ്പിക്കാന് എത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.