കാലടി: റോഡിലൂടെ നടന്നുപോവുകയായിരുന്ന യുവതിയെ പിന്തുടര്ന്ന് ഉപദ്രവിക്കാന് ശ്രമിച്ചത് ചോദ്യം ചെയ്ത ഭര്ത്താവിനെ കത്തിക്ക് കുത്തിയ കേസില് ഒരാളെ പൊലീസ് പിടികൂടി. പെരുമ്പാവൂര് പത്തടിപ്പാലം മുണ്ടായ്ക്കല് ജംഷാദിനെയാണ് (24) അറസറ്റ് ചെയ്തത്. വെള്ളിയാഴ്ച വൈകുന്നേരം ആറോടെ സംസ്കൃത സര്വകലാശാല ലേഡീസ് ഹോസ്റ്റലിനു സമീപം പുത്തന്കാവ് ക്ഷേത്രറോഡിലൂടെ നടന്നുപോയ യുവതിയെയാണ് മൂന്നംഗ സംഘം ഉപദ്രവിക്കാന് ശ്രമിച്ചത്. ഇത് ചോദ്യംചെയ്ത സംഭവത്തിലാണ് ഭര്ത്താവ് പുളിയേലിപ്പടി ജോയിക്കുടി വീട്ടില് വിനോദിന് കുത്തേറ്റത്. വിനോദ് ആശുപത്രിയില് ചികിത്സയിലാണ്. അക്രമിസംഘത്തിലെ മറ്റു രണ്ടുപേര്ക്കായി തിരച്ചില് തുടരുകയാണെന്ന് സി.ഐ ക്രിസ്പിന് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.